Anakapalli Young Poets

ANAKAPALLI YOUNG POETS 

( A Y P )

విద్యా,వైజ్ఞానిక,సాహిత్య,సాంస్కృతిక, సామాజిక,సేవ రంగాలలో విద్యార్థులను ప్రతిభావంతులుగా తయారు చేసి ఉత్తమ పౌరులుగా తీర్చి దిద్దడమే ఈ సంస్థ ప్రధాన లక్ష్యం. అనకాపల్లి లోని వివిధ కళాశాలలలోని విద్యార్థినీ విద్యార్థులను,యువకులను ఇందులో సభ్యులుగా చేర్చుకోవడం జరుగును.సభ్యులలో   చురుకుదనం గలవారిని కార్యవర్గ సభ్యులుగా ఎంపికచేసి వివిధ రంగాలలోని ప్రసిద్ధులైన వారిని ఆహ్వానించి వారిచే నెలకు ఒక సమావేశాన్ని సంస్థ ఏర్పాటుచేస్తుంది.  

విద్యారంగం:

• విద్యా రంగం నుంచి ప్రముఖులైనవారిని ఆహ్వానించి విద్యార్థుల వ్యక్తిత్వ వికాసానికి వారి విద్యా,  ఉపాది అవకాశాలకు సంబంధించిన అనేక  అంశాలఫై  వారిచే అవగాహనా సదస్సులు  సంస్థ నిర్వహింఛి ఉత్తమ   విద్యార్థులుగా తీర్చిదిద్దుతుంది. 

వైజ్ఞానిక రంగం:

• నేటి సాంకేతిక యుగంలో సాంకేతిక  అంశాలపట్ల  అవగాహన కలిగించే  అంశాలతో సమావేశాలను ఈ సంస్థ ఏర్పరుస్తుంది. ఉదా: ఇంటర్నెట్, కంప్యూటర్స్కు  సంబంధించిన  అవగాహన సదస్సులు,ఆడియో-వీడియో, ఫోటోషాప్ పేజి మేకర్లను ఉపయోగించుట  మొదలగు   అంశాలపట్ల  అవగాహన కల్పించుట                                                                                                  

సాహిత్య రంగం: 

• గ్రూప్ ,సివిల్స్ పరీక్షలలో  తెలుగు సాహిత్యం ఒక ఆప్షనల్ సబ్జెక్టుగా ఎంచుకొని మంచి మార్కులు పొందే  పరిజ్ఞానాన్ని వారికి కలిగించుట. 
• విధ్యార్ధులను సాహిత్యపరంగా తీర్చిదిద్దేందుకు సాహిత్యపరమైన   ఫోటీలు  నిర్వహించుట,కవులుగా రచయితలుగా తయారూ చేసి  సభ్యులకు పోయెట్రీ వర్క్ షాప్ నిర్వహించుట 
• వివిధ పత్రికల్లో వీరు రచించిన కవితలు,కథలు ప్రచురింపజేసి ప్రోత్సహించుట .
• సాహితీ ప్రముఖులతో సమావేశాన్నిసంస్థ ఏర్పాటు చేస్తుంది. 

సాంస్కృతిక రంగం:

• విద్యార్థులలో దాగిఉన్న వివిధ కళలను గుర్తించి వారిని ప్రోత్సహించుట.
• విద్యార్థులు వారి ప్రతిభను ప్రదర్శించుకోడానికి చక్కని వేదికగా ఈ సంస్థ ఉపకరిస్తుంది.
• గానం,నృత్యం,చిత్రలేఖనం,మొదలగున్న పోటీలను నిర్వహిస్తూ,సభ్యులనూ ప్రోత్సహించుట మాత్రమే కాక ఇటువంటి కళలపట్ల అభిరుచిగల విద్యార్థినీ,విద్యార్థులకు శిక్షణ ఇవ్వడం జరుగును.

సామాజిక రంగం:

• సమాజంలో నెలకొనివున్న వివిధ అంశాల పట్ల ప్రజల్లో చైతన్యాన్ని తీసుకొచ్చేందుకు ఈ సంస్థ కార్యక్రమాలను చేపడుతుంది.
• ఎయిడ్స్, మద్య- ధూమపానం మొదలగు వ్యసనాలవల్ల కలిగే దుష్పరిణామాల పట్ల అవగాహన కలిగిస్తుంది.

సేవా రంగం:

• సేవా పరంగా కూడా విద్యార్థులను తీర్చిదిద్దేందుకు ఈ సంస్థ కృషి చేస్తుంది.  మొక్కలు నాటడం, పర్యావరణ పరిరక్షణ మొదలగు అంశాల గూర్చి కృషి చేస్తుంది.
•  సంస్థలో సభులుగా చేరినవారి పేర్లు ఈ సంస్థల బ్లాగ్లలో నమోదు చేయబడును. కార్యక్రమాల ఫోటోలు, వివరాలు బ్లాగ్లలో ఎప్పటికప్పుడు చేర్చ బడును. s m s ద్వారా సభ్యులకు ఈ సంస్థ కార్యక్రమాలు తెలియజేయబడును.